الشمس هي مصدر الحياة

من طرف MiSs çràZy 2014-05-24, 17:31

الشمس هى كوره ضخمه متوهجه موجوده فى نص النظام الشمسى و بتمد الارض بالطاقه بصورها المختلفه زى النور و الحراره.الشمس بتعتبر نجمهمن ضمن 100 مليون نجمه موجوده فى مجرة درب التبانه.
الشمس بتتكون من غازات ليها صفات مخصوصه جدا و عشان كدا بيسميها العلما بتوع الفيزيا البلازما.بيلف حوالين الشمس 9 كواكب مع الاقمار بتاعتهم (من ضمنهم الارض و القمر بتاعها) و كمان بيلف حواليها عشرات الالاف منالكويكبات و تريليونات المذنبات.الشمس و كل الاجسام اللى بتلف حواليها دى بتقال عليهم النظام الشمسى.الارض بينها و بين الشمس 149,600,000 كيلو متر.
نص قطر الشمس (المسافه من مركزالشمس لحد سطحها) بيساوى 695,500 كم تقريبا قد نص قطر الارض ب 109 مره.الشمس درجة حرارتها عاليه جدا ، سطح الشمس حرارته بتوصل لـ 5500 سيلزيوس او 5800 كيلفين و درجة حرارة مركزها بتوصل لـ 15 مليون كيلفين.
الطاقه بتاعة الشمس دى جايه من التفاعلات النوويه اللى بتحصل فى قلبها، كل نواتين بتوع ذرتين هايدروجينبيتحدو مع بعض فى تفاعل نووى اندماجى و بيطلعو ذرة هيليوم واحده.كتلة ذرة الهيليوم دى اقل بشويه من مجموع الكتلتين بتوع ذرتين الهايدروجين اللى دخلو فى التفاعل.الفرق فى الكتله بين ذرتين الهايدروجين و ذرة الهيليوم بيتحول لطاقه اللى بتشع الحراره و النور و بتحفذ الذرات التانيه انها تندمج مع بعض بنفس الطريقه. على مدى بلايين السنين كتلة الشمس عماله تقل و حجمها عمال يصغر لانها بتستهلك نفسها بنفسها.