عشقك طيحلي صحتي و زاد فشلي الركابي

استعرض الموضوع السابق استعرض الموضوع التالي اذهب الى الأسفل

جديد2 عشقك طيحلي صحتي و زاد فشلي الركابي

مُساهمة من طرف bidin56 في 2013-05-08, 02:11

باغي نحكيلك على لي في خاطري بلاك نشفك و يهديك سيدي ربي
...................................................................................
علاش راكي زعفانة عليا وكي نلغالك في التلفون مرات عليا تكوبي
و مرات عليا ترفدي و بيا تبقاي ترحبي
مرات كي نشوفك نشوف في عينيك نموت عليك حبيبي
و مرات تبعدي عليا و تنسيني و عليا تغيبي
مرات مني تقربي
و مرات عليا تهربي
مرات مني تقربي حتى لي نقول نتي هيا مكتوبي
و مرات عليا تهربي حتى لي تجرحيلي قلبي
تجرحيلي لي مرات يعاديني و مرات يولي صاحبي
منضنش تبغيني كيما نبغيك مكلاه تكذبي
نسيتي كنتي ما تعرفي والو و كي تعطشي فهامة تجي عندي تشربي
أنا نملي و نتي في يدك ورقة و ستيلو و تكتبي
معليش ديري كيما تحبي
ويلا بغيتي فيا زيدي عذبي
كي نشوفك عيني تفرح و تنكتب في قلبي خديجة حبي
و قلبي يبغي يرقص بلا عقل كيما سامي العنابي
لي راح لميركان و شاع و سما روحه سامبي
قولي عليا مهبول بحبك ولا شاعر كيما أبوالقاسم الشابي
قولي عليا كاتب كلمات ولا مغني شعبي
كيما المرحوم الهاشمي قروابي
ولا كمال مسعودي ولا سي أحمد وهبي
على جالك ان شاء الله ننسي الناس في قاع الكتاب نزار قباني و مالك بن نبي
..................................................
على كلشي نحمد سيدي ربي
..................................................
و نفتخر كوني مسلم و عربي
الحمد لله من عند والديا مربي
و عايش غي على حسابي
و بفضل الله نعرف روحي فحل و حربي
بصح أأأأأ ختي عشقك طيحلي صحتي و زاد فشلي الركابي
مسلكها معاك لا فول سوداني ولا فول مصري ولا فستق حلبي
مسلكها معاك لا قرقاع لا لوز و لا خبز بالزرع نتاع الوالدة و لا رروز بالمحلبي
غادي نجيبلك من تالي و الصلاة و السلام على النبي
أنا عييت ما نسي عييت ما نحاول بصح مقدرتش نزيد نخبي

نبغيك نموت عليك و راني متمنيك ليا و على شي لي راكي دايرة فيا نوكل عليك سيدي ربي
...............................................................................................................



bidin56
عضو جديد
عضو جديد

الدولة : الجزائر
عدد المشاركات : 1

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى